2017 jyldyń 31 qańtardaǵy  Memleket basshysy Nursultan Ábishulynyń Qazaqstan halqyna arnaǵan «Qazaqstannyń úshinshi jańǵyrýy: jahandyq básekege qabilettilik» Joldaýyndaǵy tórtinshi basymdylyǵy – adam densaýlyǵynyń  sapasyn jaqsartý másele týraly aıtqan edi. Osy oraıda 2016-2019 jyldarǵa arnalǵan «Densaýlyq» memlekettik baǵdarlamasy negizinde Batys Qazaqstan oblysynda birqatar ıgi ister oryn alýda.  Aıta ketsek, oblysta  ótken jylǵa deıin 1600-den astam dáriger, alty myńǵa jýyq medısına qyzmetkerleri eńbek etip júrse, oǵan qosymsha taǵy 470 jas dáriger kelip, qyzmetterine kirisken bolatyn. Táýelsizdiktiń alǵashqy jyldarynda densaýlyq salasyn damytýǵa búdjetten 22 mıllıon teńge bólingen bolsa, bul kórsetkish ótken jyly 27 mıllıard teńgege, al bıyl 39 mıllıard  teńgege jetken. Batys Qazaqstan oblysy sońǵy eki jylda boıynsha 25 medısınalyq mekeme kúrdeli jóndeýden ótip, byltyr 1 mıllıard 600 mıllıon teńgeni quraıtyn 140 medısınalyq tehnıka men jańadan 70 aýtokólik qoldanysqa berildi. Sondaı-aq barlyq qalalyq emhanalarda elektrondy kezek jumys jasaıdy. Sall-ortalyǵy da halyqqa júıeli qyzmet etip keledi. Aldaǵy ýaqytta bul jetistik aýdan ortalyǵyna de jetetin bolady. Jyl saıyn oblys dárigerleri sheteldiń ozyq klınıkalarynda tájirıbe almasýda. Halyqtyń densaýlyq saqtaý múddesin áleýmettik qorǵaý úshin elimiz boıynsha arnaıy engizile bastaǵan mindetti  áleýmettik medısınalyq saqtandyrý júıesin túsindirý jumysy da óńirde júıeli júrgizilip keledi.

-Damyǵan elderdiń kóbi mindetti medısınalyq saqtandyrýdyń nátıjesin kórip otyr. Ár adam densaýlyǵy úshin ózi jaýapty, degenmen memleket bul máselede qarapaıym halyqqa utymdy jáne jaqsy múmkindikterdi jasap otyr. Mindetti medısınalyq saqtandyrýdy ekige bólip qarastyrar bolsaq, birinshisi – negizgi saqtandyrý túri. Buǵan memlekettik búdjetten tegin kórsetiletin medısınalyq qyzmetter kiredi. Ol elimizdiń barlyq azamattaryna qoljetimdi. Bul qyzmet túri «Jedel járdem», sanıtarlyq avıasıa, áleýmettik aýrýlardy emdeý jáne tótenshe jaǵdaılarda, profılaktıkalyq ekpe kezinde kórsetiledi. Ekinshisi, medısınalyq saqtandyrý qory usynatyn mindetti áleýmettik saqtandyrý  paketi. Buǵan ambýlatorıalyq-emhanalyq, stasıonarlyq  kómek,  qalpyna keltirý emdik sharalary, medısınalyq reabıllıtasıa jáne joǵary tehnologıalyq kómek kiredi. Sondaı-aq áleýmettik medısınalyq saqtandyrý jarnasyn tóleýden azamattardyń 15 sanaty bosatylady, olardyń deni halyqtyń áleýmettik turǵydaǵy osal toby. Qor medısınalyq uıymdardy irikteıdi jáne qyzmet sapasyn qadaǵalaıdy. Sondyqtan ár klınıka sapaly qyzmet kórsetýge tyrysady jáne básekeniń artýyna septigin tıgizedi. Óńirde mindetti áleýmettik medısınalyq saqtandyrýdy  turǵyndarǵa túsindirýde densaýlyq salasynyń qyzmetkerleri qarqyndy úles qosýda,- dedi Batys Qazaqstan oblystyq densaýlyq saqtaý basqarma basshysynyń orynbasary Nurdanat Berkinǵalı.                                                  

Gúlsezim ERBOLAT,

Batys Qazaqstan oblysy